Mintzalagun izateko deia luzatu dute Altzon eta Ikaztegietan

Altzoko eta Ikaztegietako udalek Mintzalaguna izateko deia luzatu diete herritarrei; bai euskara praktikatu nahi dutelako edo euskara praktikatu nahi duten horiei laguntzeko prest daudelako.

Mintzalaguna euskaraz hitz egiteko ohitura dutenak eta mintzapraktika egin nahi duten pertsonak biltzeko programa da. Euskaraz komunikatzeko gutxieneko maila izatea nahikoa da, eta izena bai Altzoko edota Ikaztegietako udaletxeetan eman beharko da hilaren 16a, astelehena, baino lehen.

Euskara ikasten ari dena edo euskaraz hitz egiteko zailtasuna duena bidelaria izan daiteke, edota bidelaguna izango da, euskaraz dakiena edo euskaldun zaharra dena, eta euskaraz egin nahi duen horri lagundu nahi diona. Besteak beste, euskara hobetzeko, gehiagotan erabiltzeko eta indartzeko da baliagarria Mintzalaguna egitasmoa.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!