Iraileko igande guztietan bezala, aurten ere izango dira erromeriak Zelatunen. Hala ere, argazkietan ikusi daitekeenez, osteguna ere baliatu zuten dantzarako, San Juan txiki egunez ere erromeria egin baitzuten.
Bost igandetan izango da zertaz gozatua Zelatunen eta horretarako, hainbat trikitilariren laguntza egongo da. Irailaren 1ean, Jone Uriak eta Julene Otegik joko dute; irailaren 8an, Ostolazaren eta Lutxurdioren txanda izango da; irailaren 15ean, Olarte eta Larrañaga arituko dira; irailaren 22an, Elizagoien ahizpek joko dute; eta azken igandean, Kupela taldea izango da. Beraz, ez dago aitzakiarik Zelatun aldera hurbiltzeko.