Lau bikote izango dira aurtengo torneoan: Irribarria - Rezusta, Olaizola II.a - Albisu, Altuna III.a - Martiuja eta Artola - Mariezkurrena II.a. Iazko txapeldunek, beraz, Artolak eta Albisuk, ez dute tituluari elkarekin eusteko aukera izango.
Azken urteetako ohiturari jarraituz, aurreneko finalerdia Azkoitian jokatuko da hilaren 15ean. Irribarria - Rezustak eta Olaizola II.a - Albisuk neurtuko dituzte indarrak. Biharamunean jokatuko da bigarren finalerdia, esan bezala, eskualdeko bi pilotariek elkarren kontra jokatuko dutena: Altuna III.a - Martija, Artola - Mariezkurrena II.aren aurka. 17:00etan Zarauzko Arizbatalden jokatuko da. Kantxako sarrerek 35 euro balio dute finalerdietan eta 40 euro finalean.
Hain zuzen, Zarautzen bertan, abuztuaren 18an jokatuko dute finala, bi finalerdietako irabazleek.