Santanderko Udalak eta Santanderko suhiltzaileek antolatuta, lehenengoz antolatu zuten hiriko aste nagusiko elkartasun zeharkaldia. 5 kilometroko igerialdia egin behar izan zuten 70 parte hartzaileek, eta Ioseba Mateos eta Erika Amundarain eskualdeko igerilariek bigarren eta hirugarren postuak eskuratu zituzten, hurrenez hurren.
Mateos ibartarrak 01:07ko denboran osatu zuen zeharkaldia, eta Amundarain billabonatarra izan zen hirugarren, sailkapen absolutuan, 01:12ko denbora eginez; emakumezkoen sailkapenean, berriz, denborarik onena markatu zuen Erika Amundarainek.
Zeharkaldiko izen-emateetan bildutako diru guztia Fundación Síndrome de Down Cantabria taldeari bideratu zioten.