Caballerok 37.49ko denbora egin du eta sailkapen orokorrean 37. eta gizonezko master mailan 4. izan da. Eskualdeko bigarrena Ioseba Mateos ibartarra izan da 38.26 denborarekin, 33. orokorrean eta 21. senior gizonezkoetan eginez. Hirugarren Asier Labaien tolosarra izan da, 38.54 denborarekin 40. orokorrean eta 3. master+ gizonezkoetan eginez.
Paula Del Pozok 40.52ko marka egin du eta sailkapen orokorrean 83. izan da eta senior emakumezkoetan 9. egin du. Bigarrena eskualdetik Zuriñe Del Pozo alegiarra izan da, 43.40ko denborarekin 168. orokorrean eta 15. senior emakumezkoetan eginez. Hirugarren Erika Amundarain billabonatarra izan da, 44.53ko denborarekin 237. orokorrean eta 20. senior emakumezkoetan eginez.
Beste proba, lehen aldiz egindakoa, Zarautz-Getaria-Zarautz proba izan da. Gizonezkoetan eskualdeko lau parte hartzaile izan dira, eta hurrenez hurren Jaime Caballero, Ioseba Mateos, Kepa Jauregi tolosarra eta Xabier Jauregi tolosarra helmugaratu dira. Emakumezkoetan eskualdetik Amaia Loidi anoetarra izan da parte hartzen bakarra.
Ikusi argazki galeriak Zarauzko Hitza-ren webgunean