17:30ean zegoen hitzordua jarrita Segore Etxe Berri jatetxe atariko belardian, eta bertan bildu dira Bidaniako eta Albizturgo taldeak baita lehiaz gozatzeko asmotan gerturatu diren hainbat ikusle ere.
Gorriz jantzi da talde bisitaria eta zuriz etxekoak. Hainbat proba izan dituzte aurrean: ergometroa, trontza, kixkiekin sagarrak biltzea, ingudea, txingak, lokotx biltzea eta korrika. Gainera, amaitzeko, guztiek buelta bana egin behar izan dute lasterka. Hala ere, ez da oso argi geratu nork irabazi duen norgehiagoka hori, beraz, sokatiran erabaki da nor izango den irabazlea. Bi tiraldi egin eta biak irabazi dituztenez, Bidania-Goiazko gazteak izan dira nagusi. Giro onean amaitu da lehia eta musikarik ere ez da falta izan, Arandia anaien eskutik.