Obra hauen harira auto pilaketak sortzen ari dira bi noranzkoetan. Jarduera hauek direla eta, N-1 errepidetik Irurara eta Anoetara doan irteerako adarra itxita egongo da eta Iruratik eta Anoetatik N-1 errepidera sartzeko bidea ere itxita egongo da. Bestalde, Ibaiondo industrialderako sarbideak ere itxita egongo dira, N-1 errepidetik.
Iruran eta Anoetan sartu n ahi badute ibilgailuek, Tolosako iparraldeko lotunean sartu beharko dute eta GI-3650 errepidea hartu beharko dute Larramendi auzoa zeharkatuta. Bestela, Tolosako sarrera horretan bertan itzulbidea egin eta Irungo noranzkoko galtzadatik jarraitu beharko dute Irurara sartu ahal izateko.
Iruratik N-1 errepidea Gasteizko noranzkoan hartu nahi dutenek GI-3650 errepidea hartu beahrko dute Tolosarantz, herriaren erdigunean dagoen N-1-434 lotuneraino.
