Euskal Herriko Txapelketan, Gipuzkoakoan bezala, lehedabizi kanporaketa jokatzen da. Bi multzotan banatuta ariko dira segalariak. Multzo bakoitzetik bi pasako dira finalera, kilo gehien pilatzen dituztenak.
Igandean, Aiako Arizterrazu auzoan jokatuko da kanporaketa. Lehen multzokoak 11:30ean hasiko dira lehian. 30 minutuko lana izango dute. Julen Gabirondo, Arteaga, Lizartza eta Otegi izango dira lehen txandako segalariak.
12:30ean bigarrena hasiko da ondorengo segalariekin: Etxeberria, Urki, Pardo, Irazustabarrena eta Urretabizkaia.
Gipuzkoako txapelketako finalean Gabirondo txapelduna, Otegi, Etxeberria eta Urki izan ziren. Euskal Herrikoaren finala uztailaren 28an jokatuko da Asteasun. 30 minutuko lana beharrean ordubetekoa izango dute orduan. Asteburuan ikusiko da Asteasura aurreko laurak joango diren edo besteren batek aurrea hartzen dien Arizterrazun.
Gipuzkoako sega txapelketa jokatu ondoren, Euskal Herrikoaren txanda izango da asteburu honetan. Ohiko eran, bederatzi segalari hasiko dira lehian, finalerako lau txartelen bila. Horien artean egongo dira eskualdeko lau ordezkari: Arkaitz Arteaga baliarraindarra, Mikel Lizartza tolosarra, Jexuxmari Ormaetxea Urki orendaindarra, nahiz eta Alegian bizi, eta Jokin Etxeberria amasarra, Bedaion bizi dena.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!