Julen Gabirondo da Gipuzkoako sega txapelduna. Igandean jokatu zen finala Larraitzen, sargori punttu dezentekoarekin. Erraz nagusitu zen urnietarra, bai sailetan eta baita kilotan ere. Ordubeteko lanean aritu ziren lau segalariak. 2.473 kilo moztu zituen txapeldunak. Epaileek txartel gorri bat atera zioten, 20 kilo galera ezarriz. Bigarren Jokin Etxeberria sailkatu zen. Bedaion bizi den amasarrak 2.288 kilo eraman zituen pisura. Jexuxmari Ormaetxea 'Urki' sailkatu zen hirugarren, 2.156 kilorekin. Alegian bizi den orendaindarrak zuen guztia eman zuen ordubeteko lanean. Gazteena izan zen laugarrena, Jon Otegi, 2.022 kilorekin.
Gipuzkoako Sega Txapelketa amaitu ondoren, Euskal Herrikoa jokatzen hasiko dira segalariak. Tartean izango dira eskualdekoak.