Iñaki Artolaren partida zuzenean eskainiko du Ataria Irratiak ostiralean, 20:00etatik aurrera, Arrigorriagatik. San Fermin Txapelketaren final-zortzirenetako norgehiagoka izango da, eta alegiarraren aurkaria buruz buruko txapeldunordea izango da: Urrutikoetxea. Jaialdia 20:00etan hasiko baldin bada ere, lau eta erdiko partida bigarrena izango da. Aurrez, Alberdi-Aretxabaletak Arteaga II-Ibai Zabalaren aurka jokatuko dute.
Igandean, Beasainen, sanferminetako beste final-zortzirenetako partida jokatuko da Antzizar pilotalekuan. Erik Jakak buruz buruko txapeldunaren aurka neurtuko ditu indarrak. 17:30ean hasiko da jaialdia eta lizartzarraren eta Irribarriaren arteko partida bigarrena izango da.