Atzo izan zen Zaldibiako mendi lasterketaren lehen edizioa eta bertako 27 kilometroko proba luzea Iñaki Olano altzotarrak eta Ainhoa Sanz urretxuarrak irabazi zuten. Hauen atzetik, gizonezkoetan bigarrena Ibon San Miguel lekeitiarra eta hirugarrena Xabier Macias iruindarra izan ziren. Eta emakumezkoetan bigarren postuan Laida Elizegi zaldibiarra eta hirugarrenean Sonia Lopez ermuarra izan ziren.
15 kilometroko proba motzean berriz, Gartzen Elejabarrieta abadiñoarra eta Ainhoa Jauregi urnietarra nagusitu ziren. Bigarren emakumezkoa Laiane Arrospide tolosarra izan zen eta hirugarrena Irati Larrañaga usurbildarra. Gizonezkoei dagokienez, bigarrena Iker Diges huartearra izan zen eta hirugarrena Josu Urrestarazu idiazabaldarra.
Sailkapenak: proba luzea eta proba motza.
Argazkia galeriak: Zaldibiako Herri Ataria eta Goierriko Hitza.