Segundo Montes komunitatearen ordezkari gisa Pedrina Rivera, Walter Alexander Claros eta Esmeralda Flores etorri dira Aiztondora. Gaurkoan, ekitaldi instituzionala egin aurretik, agurra dantzatu diete beraiei eta Aiztondoko udaletako ordezkariei. Ondoren, Villabonako udaletxeko bilkura aretoan, Maite Izagirre alkateak adierazi duenez, "askatasun guztiak unibertsalak diren moduan, giza solidaritateak ere unibertsaltasun ezaugarri hori izan behar du". Bestalde, Segundo Montes komunitatearekin Aiztondo bailarak duen konpromiso solidarioa berresten dutela gaineratu du.
Bere aldetik, Segundo Montes komunitateko kideek eskertu egin dute jasotako solidaritatea, eta "mundu hobe bat" sortzeko nahia azaldu dute. Euskal Fondoa elkarteko kide den Mikel Arrastoak gogora ekarri du 26. urtea dela Segundo Montes komunitatearekin proiektuak lantzen ari zirela, eta espero dutela guztienez beste horrenbeste urtetan jarraitzea. Ekitaldi instituzionala elkarri opariak emanez bukatu da, eta ondoren etorri da herritarrekin b atera egindako ekitaldiak, tartean dantzarien saioa.