Belabieta klubeko gimnastak, Gipuzkoako Txapelketan.
Tolosako klubeko gimnastei dagokienez, jubenil taldea mazoekin txapeldunorde izan zen. Bakarkaka, Oihane Urainek zilarrezko domina lortu zuen xingolarekin, eta Nahia Odriozola bigarren izan zen sailkapen orokorrean, xingolarekin txapeldun, eta pilotarekin bigarren.
Bestalde, I kadetea eta R kadetea txapeldun eta txapeldunorde izan ziren, hurrenez hurren. Seniorrek ere, pilota eta mazoekin urrezko domina jantzi zuten. Olaia Etxeberriak senior plus mailan parte hartu zuen, eta mazoekin, uztaiarekin eta sailkapen orokorrean garaile izan zen.
Belabietako klubari dagokionez, Jubenil A eta Kadete K1 taldeek 8. postua lortu zuten, eta K2 taldeak 16.a. Kadete A mailan, Inko Oruesagasti 6. sailkatu zen eta, kadete B mailan, Olaia Garziarenak, mazoekin, 3. postua lortu zuen eta orokorrean 7. sailkatu zen, eta Olaia Plazasek 9. postuan bukatu zuen txapelketa.
Datorren asteburuan Euskadiko Txapelketa izango da Durangon, eta bertan parte hartuko dute bi klubetako gimnastek.