Gaztelun, Txaraman eta Berastegin, ospatzeko arrazoi ezberdinak tarteko, festa giroa izango dute nagusi, asteburuan. Gaztelun gaur hasiko da II. Udaberri festa, sexualitatearen inguruko ikastaro batekin.
Txaraman, berriz, festak hasiko dituzte bihar, eta gaur izango da herri afarian apuntatzeko azken eguna. Telefono hauetako batera deitu beharko da: 675 70 58 97 edo 650 27 65 10.
Berastegin ere festa izango dute nagusi, larunbatean. Euskal Jai eguna ospatzeko, egun guztiko egitaraua antolatu dute.
EGITARAUAK
GAZTELU
Gaur
17:15ean, Sexualitate Ikastaroa: haurren sexualitate arloan segurtasunez esku hartzeko irizpideak, eskolan.
Maiatzak 25, larunbata
10:00etan, 'Gazteluko baserriak ezagutzen' jolasa.
16:00etan, txokolatada.
17:00etan, ipuin kontalaria.
19:30ean, musika emanaldia Txamukos taldearen eskutik, eliza atarian.
Ondoren, mexikar afaria Gazteluko elkartean.
TXARAMA
Maiatzak 24, ostirala
20:30ean, afari autogestionatua; janaria norberak eman beharko du eta edaria antolatzaileek jarriko dute.
22:15ean, Imanol Ituño magoaren emanaldia.
Maiatzak 25, larunbata
16:30ean, haur jolasak eta ondoren, txokolatada.
18:30ean, segalarien erakustaldia plaza ondoko belazetan.
20:30ean, argazki erraldoia, herriko preso zein eskualdekoei bidaltzeko.
21:00etan , herri afaria Txaramako elkartean, Oihana Iguaran eta Angel Mari Peñagarikano bertsolariek alaiturik.
BERASTEGI
Maiatzak 25, larunbata
11:30ean, V. Pintxo Lehiaketa.
13:00ean, pintxo dastaketa eta sari banaketa. Bitartean, trikitilariak.
14:30ean, herri bazkaria; janaria norberak eraman beharko du eta antolakuntzak ogia, edaria, kafea eta kopa jarriko ditu.
17:30ean, euskal jolasak.
Jarraian, erromeria Elizagoien ahizpen eskutik.
Iluntzean, luncha Urepele Elkartean.