Txupinazoa bota ondoren Amalur Plazan, goiz partean, ikasleak Behar-Zana pilotalekuaz jabetuko dira, besteak beste, bertan euren ikuskizunak eskaintzeko. DBH3ko ikasleak pintxoak saltzen arituko dira eta Solano Musika Eskolako ikasleak izango dituzte bidelagun festa giroa nagusituz.
Txerminerako bidea kantujiran egingo dute ikasle, guraso eta irakasleek eta bazkalostean tailer eta jolasen txanda izango da.
Xake eta mus txapelketak, disko festak edota tonbolak osatzen dute egitaraua. Eta, nola ez, usadioari jarraituz, DBH4ko ikasleei agurra egingo zaie. Eguna borobiltzeko eta amaiera jartzeko, euskal dantzak gozagarri.
