Mendi lasterketa Leitzan hasi eta bertan amaitu da Araitz-Betelu, Larraun eta Lekunberritik pasa ondoren. Berastegiko Ion Azpirozek irabazi du mendi lasterketa eta 6 ordu, 45 minutu eta 7 segundo behar izan ditu 67 kilometroko ibilbidea egiteko. Euskal Herria mendi erronka lehen proba puntuagarria izan da Euskal Herriko mendiko lasterketen txapelketarako. Hurrengo lasterketa puntuagarria Tolosako T3T izango da.
Gainera, erreleboka ere egin da lasterketa eta Berrobiko Ibai Madina izan da lehena Usurbilgo Garazi Artolarekin batera. Hauek 7 ordu eta 10 minutu behar izan dituzte ibilbidea amaitzeko.