Berastegiko infantil mutilek areto futbol liga lehen lau posturen barruan amaitu zuten, Uzturpe Lauburuk bezala. Lehen lau talde horien artean finalerdiak eta finala jokatu dira, eta berastegiarrak izan dira garaile. Finalerdietan Irungo Erain Ikastetxearen aurka jokatu zuten. Garaipena lortu ondoren finalerako sailkatu ziren. Ibartarrek gauza bera egin zuten finalerdietan, baina finalean amore ematea tokatu zitzaien.
Ibarrako Uzturpe Laubururen aurka jokatu dute finala berastegiarrek, 4-2 irabaziz. Orain Euskal Herriko txapelketa jokatuko dute Araba eta Bizkaiko txapeldunen aurka, maiatzaren 25ean. Ondoren Espainiakoa etorriko da, ekainaren 1ean eta 2an.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!