Kirola, jendearen artean daukan indarra eta xarma dela eta, baliabide eta tresna paregabea da gizarte baten garapenerako, eta, horregatik, garrantzi handikoa da Euskal Eskola Publikoaren Festak kirol munduarekin duen lotura. Eskolan kirola egitea alderdi askotatik begiratuta da mesedegarria, eta ez bakarrik sasoia hobetzeko horretarako ere bai, noski. Baina, areago doa, kirola egiteak sekulako eragina baitu, onerako, ikasketetan eta sozializazioan. Jarduera fisikoa, futbola, saskibaloia, atletismoa edo beste edozein kirol egitea, baliabide aparta da ikasleei erakusteko, bizitza osoan berekin izango dituzten gaitasunak eta balioak. Gainera, modu entretenigarrian eta osasungarrian lortzen dira helburu horiek.