Vilafranca del Penedeseko musika eskolako 60 ikasle dabiltza egunotan Tolosaldean, Loatzo musika eskolak gonbidatuta. Gaur goizean, Altzoko udaletxean, harrera beroa egin diete, mankomunitatea osatzen duten udalerrietako ordezkariek.
Kataluniatik etorri diren ikasleek, gainera, Altzoko handiaren historia ezagutzeko aukera izan dute, eta gero, Alegia eta Altzoko eskoletako ikasleei kontzertua eskaini diete herriko frontoian.
Katalunian ezagunak diren castellersak egin dituzte Altzoko frontoian. Gaur arratsaldean, kalejira eskainiko dute ikasleek Ibarran, eta bihar, kontzertu nagusia Zizurkilgo Joxe Arregi plazan emango dute bi musika eskoletako ikasleek elkarrekin, 19:30etik aurrera. Aurrez, larunbat eguerdian, kalejira bat egingo dute Anoetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
