Junior mailako Naia Amondarain ibartarrak hiru domina lortu zituen. Horietako bi banakako probetan izan ziren, jazarpenean eta puntuazioan. Hirugarrena taldekako jazarpen proban lortu zuen, eta talde horretan ere parte hartu zuen Arene Etxarri adunarrak. Bigarren postua eskuratu zuten, Madrilgo selekzioaren atzetik. Kadete mailan lortu zuten domina Amaia Astarloa tolosarrak eta Naroa Olano anoetarrak. Taldekako jazarpen proban parte hartu zuten eta bigarren postua lortu zuten, Asturiaseko selekzioaren atzetik.
Naia Amondarain gustura azaldu da lortu zituen emaitzekin. Tolosan jokatutako txirrindularitza proban erori egin zen, eta astebete geldirik egon ondoren parte hartu zuen Tafallan jokatutako txapelketan. Pistako denboraldia bukatu da eta orain errepidekoarekin jarraituko dute txirrindulariek.
Pistako txirrindularitzako Espainiako Txapelketak jokatu dira orain berri Tafallan. Bertan eskualdeko lau txirrindularik parte hartu zuten Euskadiko selekzioa ordezkatuz, eta guztiak itzuli ziren dominekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!