[BABESTUTAKO EDUKIA] Tradizioa berrituz

Pilotaria zen garaitik dago erlazionatuta Julen Altzelai taloarekin. «Batzuetan, partida bat jolastera joaten nintzenean taloa jaten nuen», dio. Pilota alde batera utzi zuenean ere taloaren munduarekin lotuta jarraitzea erabaki zuen. Bere buruari galdetzen zion taloa zergatik jaten ote den txistorrarekin, eta beste zerbait asmatu beharra zeukala pentsatu zuen. Horrela, 2015 amaieran sartu zen talo munduan eta 2016an etorri zitzaien lehenengo proposamena ezkontza batean parte hartzeko. «Azurmendi jatetxean egin genuen eta jendea oso gustura geratu zen», baieztatu du Altzelaik.

Gaur egun, hiru ezkontza motatan egiten dute lan. Alde batetik, ezkontzako banketearen ondoren afariak ematen dituzte. Hor talo txikiak jartzen dituzte eta jendeak nahi adina jan ditzake, dantzaldiak irauten duen bitartean. Beste aldetik, bazkarien aurretik ere egiten dute lan eta hor gonbidatu bakoitzari pare bat pintxo ematen dizkiote. Azkenik, Altzelairi gehien gustatzen zaizkionak daude: ezkontza tematikoak. Hor azoka moduko bat antolatzen dute hainbat posturekin, eta horietan edateko eta jateko desberdinak egoten dira: sagardoa txotxean, ardo bereziak, gaztak, pintxo hotzak, kroketak... «Horrelako ezkontzak bultzatzen ditugu, batez ere, politagoa iruditzen zaigulako».

Ekotalo-ren taloak ikusitakoan, gonbidatuak «harrituta» geratzen dira. «Alde batetik, harrituta geratzen dira ezkontza batean taloak ikusita eta, beste aldetik, barruan sartzen dizkiogun osagaiak ikusita ere harritzen dira. Hain zuzen ere, 15 osagai inguru dauzkate, horien artean daude barazkiak, labean egindako piperrak, otarraintxoak edo bakailaoa. Azkena sartu dutena, esaterako, oilaskoa tenperatura baxuan eginda shiitake onddoekin izan da. «Gauza desberdinak dauzkagu eta hori ikusten dutenean jendea harrituta geratzen da eta dastatzen dutenean are gehiago», dio alkizarrak. Ateratzen dituzten berrikuntzak arrakastatsuak izaten direla ere esan du Julen Altzelaik.

Ezkontzetan ez ezik, beste leku batzuetan ere egiten dute lan: «Ezkontzetako herrira ere eraman nahi dugu edozeinek probatzeko». Horretarako, azoketan, eta jaietan egiten dute lan eta dastatzeak ere egiten dituzte, esaterako, garagardo edo txakolin azoketan. Horrez gain, tailerrak ere antolatzen dituzte ikastetxe edota azoketan. Ekotalo-ren beste bereizgarrietako bat da artoa labean sartzea. «Horrela, alde batetik, artoak dauzkan harrak hiltzen ditugu, eta, beste aldetik, almidoia kozinatzen da eta urdailean ez du minik ematen», esan du.

Artoa lortzeko erabiltzen dituzten lurretan dago azken bereizgarria. «Lur propioak dauzkagu ekologikoan alta emanda. Transgenikoen eta toxikoen probak egiten dizkigute eta, urtero, ezezkoa ateratzen da», dio Altzelaik. Gainera, Euskal Herriko hainbat baserritarri ere erosten diote artoa. «Hori da guk lortu nahi duguna, bertako produktu batekin lan egin eta zigilu ekologikoa erabili ahal izatea».

«Ezkontzera doan jendeari esango nioke nirekin kontaktatzeko dastatze bat antolatu ahal izateko», dio Altzelaik. «Ezkongaiek beraien gonbidatuak harritu nahi badituzte aukera hau oso ona da, ez izan zalantzarik», gaineratu du alkizarrak. Ekotalo-rekin tradizioa eta berrikuntza uztartzen dira mokadu bakar batean.

• Helbidea: Arana Bailara, 16, Alkiza.                              
• Telefonoa: 685 75 29 87                 
• Facebook: Eko Talo                
• Instagram: ekotaloak