Ataria.eus-ek herritarren eskura jarri du Hauteskundeetako datu-base historikoa. Une honetan, Espainiako Kongresurako hauteskundeen informazioa herriz herri erakusten du. Aurrerago egongo da eskuragarri Udal eta Foru hauteskundeetako, Eusko Legebiltzarreko eta Europako datu historikoen informazioa ere.
Orrialde bereziak hauteskunde ezberdinen arteko konparaketak egiteko aukera eskaintzen du, baita alderdi bakoitzaren bilakaera historikoa ikusteko grafikoak ere.
Igandean, eskualdeko datuak 'ataria.eus'-en
Apirilaren 28an, igandean, ataria.eus webgunea zuzenean ariko da hauteskunde gaueko emaitzak argitaratzen. 20:00etatik aurrera datuak iritsi ahala Tolosaldeko Ataria-ren webgunean eta sare sozialetan zabalduko dira.