Tolosaldeko Atariak, azken edizioetan bezala, aurten ere Korrikaren lekukoa atarikideen eskura jarri zuen. Gaur goizaldeko 4:15 pasatxo jaso dute testigua Flori Martinez alegiarraren senideek.
Korrika antolatzen den aldiro erosten du kilometroa Tolosaldeko Atariak. Zozketa baten bidez, lekukoa nork eramaten duen erabakitzen da, eta aurten, Flori Martinez izan zen zorteduna. Hala ere, bere bi alaba Miren eta Maider Lasak, eta Intza eta Aiert bilobek izan dute mezua esku batetik bestera igarotzeko ardura.
San Frantzisko pasealekuan jaso dute, Herrikide ikastetxekoen eskutik, eta Berazubiko zubian eman diete lekukoa Galtzaundi Euskara Taldeko kideei.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!