Ekainaren 26tik uztailaren 19ra egingo dira Aduna, Alkiza eta Larraulgo gazteentzat pentsatutako ekimenak. 3 eta 6 urte artekoentzat (2013 - 2016 urteen artean jaiotakoentzat) ludoteka zerbitzua izango da, aukeran, 09:00etatik 13:30era edo 09:30etik 13:00etara.
Hiru herrietako 6 eta 12 urte arteko gazteentzat berriz, (2007 eta 2013 urteen artean jaiotakoentzat), udalekuak izango dira, egunero, aukeran bi ordutegitan: 09:00etatik 13:30era edo 09:30etik 13:00etara. Gainera, Aritzalekuko kanpinean gau bat pasatzeko aukera izango dute gaztetxo hauek, 20 euro ordainduta.
Ordutegi luzean izena ematen dutenek 110 euro ordaindu beharko dituzte (95 euro bigarren seme-alabagatik), eta ordutegi motza aukeratzen dutenek, berriz, 80 euro (65 euro bigarren seme-alabagatik).
Izen emateak, maiatzaren 10era egin daitezke honako toki hauetan: Adunan, 943 69 26 89 telefonoan edo kultura@aduna.eus helbidean; Alkizan, 688 604 466 telefonoan edo kultura@alkiza.eus helbidean; eta Larraulen, 634 289 327 telefonoan edo kultura@larraul.eus.