Regillagak Amandarri TT taldea ordezkatuz parte hartu zuen, eta gizonezkoen proban Tolosaldea TT taldeko lau kirolarik parte hartu zuten. Asier Mujikak bosgarren amaitu zuen, Aitor Landak 28., Andoni Matxainek 29. eta Asier Capak 42.
Regillagak bizikletan oinarritu zuen bere garaipena, korrikako lehen zatian segundo batzuk atzetik bukatu baitzuen. Azkeneko zatian korrika azkarrago egin zuen tolosarrak eta bigarrenari helmugan 28 segundo atera zizkion.
Saltoki Diquesi Trikideak taldeko Del Pozok, berriz, korrika egin beharreko bi zatiak baliatu zituen txapela janzteko. Lehen zatian lortutako segundoak bigarren egin zuen Uxua Idiazabalek kendu zizkion bizikletan. Azken zatira bateratuta iritsi ziren, baina hor abantaila handia atera zion alegiarrak, azkenean 52 segundoko tartearekin irabazi baitzuen duatloia.