Kirola, elkartzeko aitzakia

Eskola Txikien arteko Kirol Topaketa egin dute, gaur goizean, Tolosako Berazubi estudioan. Eskualdeko ikasle ugarik parte hartu du.

20 Eskola Txikietako 2. eta 3. zikloko ikasleak elkartu dira bertan, eta herri ezberdinetako ikasleak taldekatu egin dituzte, eta taldekako errelebo kirolak eta ohiko jolasak egin dituzte.  Eskualdeko Abaltzisketa, Albiztur, Alkiza, Ikaztegieta, Aduna, Altzo, Berastegi, Berrobi, Bidania-Goiatz, Larraul, Lizartza eta Zizurkilgo eskola txikietako ikasleekin batera, Aizarnazabal, Ereñotzu, Itsasondo, Olaberria, Gabiria, Errezil, Aginaga eta Zubietako eskola txikietakoak ere Tolosan izan dira. 

Urteak dira ekimenarekin hasi zirela, eta olinpiada txikien moduan hasitako proiektu honi esker, gerora Bigarren Hezkuntzako Ikastetxeetan elkartu daitezkeen herri txikietako ikasleak elkartzen dira atletismoari loturiko ekintzak eta kirolak egiteko.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!