Pirritx, Porrotx eta Marimotots pailazoak Musua emanaldia eskaini zuten herenegun, Leidor aretoan, bi saiotan. 'Tolosaldeko Ataria'-k antolatuta izan ziren Tolosan eta zoriondu ere egin zuten, bosgarren urteurrena dela eta.
Leidor aretoa bi aldiz bete zen herenegun, Musua ikuskizunarekin. Haur eta helduak gustura aritu ziren dantzan eta abesten, eta bukaeran Ibarrako Alurr dantza taldekoak ere igo ziren agertokira, dantza egitera. Eskerrik asko Pirritx, Porrotx eta Marimototsi, eta lantalde osoari, eskainitako saio bikainarengatik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!