Zartaginak eta mailuak eskuan hartuta, kaldereroetako kalejirak egin dira gaur arratsaldean Tolosaldean.
Pedro Mari Otaño eskolan bildu dira ikasleak arratsaldeko lehen orduan eta Pagamuño auzotik ibili ondoren, Joxe Arregi plazan amaitu dute kalejira.
Loatzo musika eskolak, 18:30ean egin du hitzordua eskualdeko hiru herritan. Anoetan eta Ibarran, plazatik abiatu dira kalejirak eta Iruran, berriz, musika eskolatik. Eguraldia lagun, inauterien iragarle diren pertza konpontzaileak ibili dira batean eta bestean, umore onez kaldereroetako jaia ospatzen.