Tolosaldeko Asanblada Feminista buru belarri ari da lanean, Martxoaren 8ko greba feministari begira. Biharko, bizikleta martxa antolatu dute eskualdeko hainbat herri zeharkatuz, eta informazio mahaia jarriko dute, Tolosan.
Bizikleta martxa, 11:45ean, Alegiatik abiatuko da, eta 12:10ean Tolosako Zumardiaundira iritsiko da. Jarraian Anoetarako bidea hartuko dute, 12:40ean iritsiz. Handik, berriz, Tolosara itzuliko da martxa, 13:00etan Trianguloa plazan amaitzeko. Bertan, argazkia aterako dute.
Era berean, 11:30etik aurrera, informazio mahaia egongo da San Frantzisko elizaren atarian, grebari buruzko zalantzak argitu eta esku orriak banatzeko. Tolosaldeko Asanblada Feministaren zapiak eta besoko moreak eskuratzeko aukera ere izango da.
Komertzioei deia
TAFk merkatarien sektorearekin bereziki landu nahi izan du greba deialdia, eta Tolosa&Co elkarteari helarazi dio mezua. 24 orduko plantora gehitzeko deia egiten diete, komertzioa itxiz. 12:00etan mobilizazioa abiatuko da Triangulotik, eta mobilizazioarekin bat egitea nahi dute. Aukera horiek posible ez badira, 12:00etan komertzio kanpora ateratzeko eskaera luzatu diete, besoan zapi morea jarrita grebarekin elkartasuna adieraziz. Azkenik, langileak komertzioan Gune honek M8ko grebarekin bat dioen orria jartzera gonbidatzen dituzte.
M8 Emakumeen Nazioarteko Eguna 2019
Bizikleta martxa, M8ko greba feminista girotzeko
Larunbat goizean bizikleta martxa egingo dute Alegiatik hasita; gainera, informazio mahaia jarriko dute Tolosan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!