Gaur abiatu da Saharara kamioia eskualdean bildutako produktuekin. Tolosaldea Sahararekin Elkarteko lehendakariak, Agustin Agotek, balantze positiboa egiteaz gain eskerrak eman nahi izan ditu: "Lehenik, taldean sartu diren gazteei, animo berriak ekarri dituztelako, eta eurei esker leku gehiagotara iritsi garelako. Bestetik, eskualdeko udaletxeei eta Limousin Kartoiak enpresari. Baina gehienbat herritarrei, erakutsi diguten elkartasunagatik. Janari denda eta komertzioak ere ezin ditugu ahaztu, kanpaina aurrera ateratzen lagundu digutelako".