16:00etan hasita eta, hurrenkera honetan, kadeteen, jubenilen eta nagusien 2. eta 1. mailako norgehiagokak izango dira ikusgai, Ametsa trinketean.
Kadeteetan, Mundarroko Eñaut Lizeaga eta Ekain Lizeaga ariko dira nor baino nor. Jubeniletan Azkoitia klubeko Azkoitiak eta Gaztelekuko Huitzik jokatuko dute finala. Nagusien bigarren mailan, Behar Zanako Esnaolak Pagazpeko Huizi izango du aurrean. Lehen mailan, berriz, Behar Zanako Maizek Mundarroko Gurutzealde izango du aurkari.
Bestalde, xareko lehiari ekingo diote asteburu honetan. 3 talde ariko dira, multzo bakarrean. Otsailaren 24ra bitarte ligaxka jokatuko dute, eta finala martxoaren 3an izango da.