Bigarrenez, greba feministak hartuko du Tolosaldea, martxoaren 8an. Euskal Herriko Mugimendu Feministak iragarri zuen, aurtengoa 24 orduko greba izango dela, eta asmo horri helduta ekin zioten, joan den asteartean, greba antolatzeari.
Arrakastatsua izan zen 2018ko martxoaren 8an, eta emakumeen plantoa bide beretik joatea da, aurten ere, Tolosaldeko Asanblada Feministaren nahia. Horrela, ideia zaparrada eta proposamenen bilkura izan zen, eskualdeko emakumeek egindako lehenengoa.
Eskualde mailako mobilizazio batek hartuko du eguna, baina, oraindik, egitaraua prestatzen dihardute. Horretarako bigarren hitzordua urtarrilaren 30ean izango da, 19:00etan, Tolosako kultur etxean.
Euskal Herriko Mugimendu Feministak atzo egin zuen grebaren lehen aurkezpena, Gasteizen, eta, nabarmendu, bizitza erdigunean jartzea izango dela aurtengo grebaren helburua.
M8 Emakumeen Nazioarteko Eguna 2019
Greba feminista hasi da egosten, Tolosaldean
Euskal Herriko Mugimendu Feministak egindako deialdira batu da Tolosaldeko Asanblada Feminista ere; hurrengo bilera urtarrilaren 30ean egingo dute, Tolosako kultur etxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!