Goi mailako ikasketak Gipuzkoako Unibertsitate-zentroetan edota Lanbide Heziketako Zentroetan egin dituzten ikasleen espediente akademikorik onenak saritzen ditu, urtero 1977tik, Kutxa Fundazioak.
Atzo banatu zituzten 42. edizioko Ikasketa Amaierako Kutxa Sariak. Orotara 103 ikasleren lana aitortu zuten, 46 emakume eta 57 gizonezko, EHU, Deustu, Mondragon, Tecnun, Musikene eta Lanbide Heziketa sare ezberdinetako –Ikaslan, Hetel eta Izea– ikasleak guztiak.
Saridunen artean badira Tolosaldekoak direnak. Besteak beste, Estitxu Goitia amezketarra; Olatz Aramendi ibartarra; Leire Olazabal billabonatarra; Unai Mugika alegiarra; Jon Ugartemendia anoetarra; edota Xanti Nazabal, Maialen Arsuaga eta Idoia Rodriguez tolosarrak.