Txapelketa paletaz eta teniseko pilotaz jokatuko da. Joko eta lehiaketa sistema, eta ordutegia izena eman duen bikote kopuruaren araberakoa izango da. Gutxi gora behera, 09:30ean hasiera ematea eta amaiera 17:00ak aldera izatea aurreikusten dute antolatzaileek. Izan ere, jarraian federatuen gomazko paletako Emakumea Pilotari Txapelketako finalak jokatuko dira.
Txapelketa hau aisiako emakumeei zuzendua dagoenez, euskal pilotako federatu lizentzia duten emakumeek ezingo dute izenik eman.
Dagoeneko zabalik da izena emateko epea, abenduaren 3ko 13:00ak arte. Inskripzioa egiterakoan 40 euro ordaindu beharko dira bikoteko, bazkaria barne. Honako kontu korronte honetan egin beharko da diru-sarrera: BANKOA ES12 0138 0001 1300 1067 4433.
Izen-emate inprimakia eta ordainagiriaren kopia etxebe.pilota@kirolak.net helbidera helarazi beharko da, izen-ematearekin amaitzeko.
Emakumea Pilotari Txartela dutenek, aldiz, ez dute inskripziorik ordaindu beharko, baina bai inprimakia beteta helarazi.