Euskal Fondoko lehendakariorde, Mikel Arrastoa zizurkildarrarekin batera, Pili Legarra Asteasuko alkatea, Josu Amilibia Adunakoa eta Joxe Mari Luengo Zizurkilgoa ari dira bidaian parte hartzen, Zizurkilgo parekidetasun eta giza eskubideen arloko zinegotzi Eva Usandizagarekin batera.
25 urte dira Aiztondo bailarako udalerriak El Salvadorreko Segundo Montes komunitatearekin senidetuta daudela. Urteotan, besteak beste, ikasketa bekak lagundu dira Euskal Herritik. Bide batez, Euskal Fondoak uraren eta berdintasunaren alde sustatzen dituen programak ere ezagutu dituzte eskualdeko udal ordezkariek.
Argazkian, Aiztondoko udal ordezkariak eta Euskal Fondokoak ageri dira, Suchitotoko Laura Lopez komunitateko ur sistemaren inaugurazio ekitaldian.