Gaur goizean aurkeztu dute eskuz binakako lehen mailako txapelketa Bilbon, Bizkaia pilotalekuan. Eskualdeko bi pilotari izango dira lehian: Jokin Altuna eta Iñaki Artola. Hauek dira bikote guztiak:
A Taldea
Altuna III - Martija
Elezkano II - Rezusta
Ezkurdia - Ladis Galarza
Irribarria - Zabaleta
B Taldea
Olaizola II - Albisu
Urrutikoetxea - Aretxabaleta
Bengoetxea VI - Imaz
Artola - Mariezkurrena II
Txapeketa Amezketan hasiko da, eta hain zuzen, lau eta erdiko txapelketako bi finalistak izango dira aurrez aurre: Altuna-Martija eta Ezkurdia-Galarza. Larunbatean, Olaizolak eta Albisuk Urrutikoetxea eta Aretxabaletaren aurka jokatuko dute Labriten. Igandean, Elezkano-Rezusta eta Irribarria-Zabaletaren txanda izango da, Bilbon. Lehen jardunaldiko azken neurketa Tolosako Beotibarren jokatuko da. Artolak eta Mariezkurrenak, Bengoetxea eta Imaz izango dituzte aurkari.
Finala apirilaren 7an jokatuko da Bilboko Bizkaia pilotalekuan. Final aurrekoak, aldiz, martxoaren 24ko asteburuan izango dira.
Argazkia: Imanol Magro 
Argazkia: Aspe