09:00etan jarri dute hitzordua. Ordu horretan Tolosako tren estazioan gelditu dira, eta kotxez joango dira Eibarrera, protesta egitera, eskualderako ospitale publikoa eskatuz.
Izan ere, urrian inauguratu zuten Eibarko ospitale publiko berria, Iñigo Urkullu lehendakariaren eta Jon Darpon osasun sailburuaren presentziarekin. 31 milioi euroko inbertsioa egin zuen Osakidetzak erietxe berria eraikitzeko, eta Debabarreneko 75.000 herritarrei ematen die zerbitzua, hau da, Eibar, Elgoibar, Soraluze, Mendaro, Deba, Mutriku, Mallabia eta Ermuko biztanleei. Hala ere, erreferentziazko ospitalea Mendarokoa izango da. Eibarren, paziente kronikoak hartuko dituzte gehienbat.