Gogorra izan da V. Beñat Elzo mendi lasterketa. Euri jasa artean egin dituzte mendiko lasterketaren ia 11 kilometroak helmugara iritsi diren 226 partaideek.
Herritar bat, Iker Oliveri izan da guztietan azkarrena (40:45). Aitor Regillaga tolosarra sailkatu da bigarren postuan, 36 segundora), eta hirugarren postua erabakitzeko esprint ikusgarria izan da. Azken txanpa horretan aurrea hartu dio Joxe Amunarrizek, Hassan Ait Chaou billabonatarrari. Biak denbora berean sartu dira, baina hondarribiarra zertxobait aurretik.
Emakumeen artean azkarrena Nerea Amilibia zizurkildarra izan da. 52 minutu behar izan ditu helmugara iristeko. Bigarren Irati Larrañaga izan da, 44 segundora, eta Maialen Perez donostiarrarentzat izan da hirugarren postua.