Pasa den larunbatean, irailaren 29an, Katalunia-Euskadi Halterofilia Topaketa izan zen Molins de Rei herrian (Herrialde Katalanak). Bertan eskualdeko ordezkariak egon ziren. Ondorengoak izan ziren Danok Danenako pultsularien emaitzak:
15 urtez azpiko mailan txapelduna Jon Kepa Kortajarena izan zen, 50 kilotan. Errekor berria ezarri zuen gainera Kortajarenak, 63 kilo jasoaz arrankadan eta 75 kiloko marka eginaz bi denboretan. 138 kilo, beraz, olinpiar baturan. Lorpen izugarria zizurkildarrarena.
17 urtez azpiko mailan txapelduna Xabier Amonarriz izan zen. Pultsulari honek Euskadiko markarik onena egin zuen, etorkizun handiko kirolaria dela erakutsiz.
Bi pultsulari gazte hauek, azaroaren 9an, Madrilen jokatuko den Espainiako Kopan leihatuko dira. Bertan 15 eta 17 urtez azpiko hamar marka onenek hartuko dute parte.
Villabona eta Zizurkilgo Danok Danena Halterofilia Taldetik babesa azaldu diete bi pultsulari gazte hauei: «Zorte on eta gure animorik beroenak taldeko bi gaztetxo hauei, momentu honetan eta etorkizunari begira, beraiek baitira aukera gehien dituztenak».