Ostiralean jakinaraziko da aurtengo Ataria Udako Argazki Lehiaketako saridunak nortzuk diren.
Bozketak ia berea eman du, baina oraindik gaurko eguna geratzen zaie berantiarrei. Ataria.eus webgunearen bitartez eman beharko dira botoak, gaurko egunez, beranduenez.
SARIAK KLIK BATERA
Bi sari nagusi eta beste bi zozketa egongo dira. Nekatur Nekazalturismo Elkarteak, BideBide jatetxeak eta Mahalak eskainitako sariak dira jokoan dauden laurak.
Lehia horretan dauden argazkiak: Hegan; Momentua, unea; Edelweis; Zuhaitza fruituz betea eta Esnatu eta tximuak lehioan beste aldetik guri begira. Honako argazki hauek ehun botoen langa gainditu dute ataria.eus-eko erabiltzaileen botoei esker. Argazki hauek beraz aukera gehiago dute, momentuz ataria.eus-eko erabiltzaileen saria eskuratzeko. Hau da, Bidebide jatetxeko lau pertsonarentzako otordua.
'Zerua eta lurra' lanagatik ere botoak eman daitezke.
Sari nagusia bestalde, epaimahaiak erabakiko du eta gainontzeko saridunekin batera urriaren 5ean kaleratuko da ATARIA astekarian, ataria.eus webgunean eta ATARIA irratian.