Ikastaroa 09:00etan hasi eta 14:00etan amaituko da. Lehiberri zentrora gerturatzeko Lurraldebus T006 lineako Tolosa-Apatta autobusak 08:25ean ateratzen dira eta itzulerakoa aldiz, Apattatik 14:30ean. Izen emateak eta informazio gehiago, EHUko uda ikastaroen webgunean eskura daiteke.
Jarduera industrialaren etorkizun eta lehiakortasunari buruz hitz egiten denean, sarritan entzun ohi diren kontzeptuak dira, konektatutako lantegia edota ekoizpen sektorearen digitalizazioa. Industria 4.0, laugarren iraultza industriala da. Aeronautika, automobilgintza edo energia sektoreetako enpresa handiak pausoak ematen ari dira alor honetan. Araba, Gipuzkoa eta Bizkaiko industri sarea, ordea, enpresa txiki eta ertainez (ETE) osatua dago bere gehiengoan. Kasu praktikoen bitartez, enpresa mota honek dituen erronken inguruan sakonduko da ikastaroan, tamaina ezberdinen arabera sortutako eten industrialik egon ez dadin.
Kurtsoan SPRI eta IAM3D (gehikuntza fabrikaizoko Kataluniako hub digitala) erakundeetako arduradunek hartuko dute parte, eta baita Tolosaldea Lanbide Heziketa Institutuko eta Tolosaldea Garatzeneko teknikariek ere.
Tolosaldeko garapen agentziak, zonaldeko industria sarea, ikasle eta herritarrei kontzeptu guzti hauek gerturatzeko asmoarekin hartu du parte, lehen aldiz, udako ikastaroetan.