Lanak ondo egin beharko dituzte eskualdeko neskek, gaur arratsaldeko 18:00ak aldera, Kontxako Bandera jokatzen ariko diren taldeetako bat izango direla ziurtatzeko. Orain dela gutxi egin dute irteeraren zozketa, eta ondorengo ordenan aterako dira 16 ontziak:
1. Riveira
2. San Juan
3. Hondarribia
4. Orio
5. Arraun Lagunak
6. Cabo
7. Deusto
8. Hibaika
9. Tolosaldea
10. Lapurdi
11. Colindres
12. Perillo
13. Kaiku
14. Mugardos
15. Hernani
16. Lea-Artibai
Hortaz, minutu bateko aldearekin irteten direla kontuan izanda, Tolosaldea, arratsaldeko 17:38ean irtengo da, gutxi gorabehera. Bere aurretik, aurkari zuzenak izango diren Deusto eta Hibaika izango ditu. Beraz, horiek egindako denborak zeintzuk izango diren jakin ahal izango dute. Atzetik helduko dira Kaiku edota Hernani, besteak beste.
Faboritoen artean, San Juan, Orio, Arraun Lagunak, Hondarribia eta Hibaika aurkitzen dira. Gero, geratuko liratekeen bi postuetako lehiarako, Deustu, Riveira, Tolosaldea, Kaiku edota Hernani egon daitezke. Hori horrela, Tolosaldeak, lanak amaitu ondoren jakin dezake sailkatuko den ala ez. Baina, atzetik helduko direnen zain geratzea ere tokatuko zaio.