Aspe enpresaren Kolitza taldeak irabazi du torneoa Asegarceren Anboto taldearen aurka, Bilboko Bizkaia frontoian. Binaka, buruz buru eta lau eta erdian jokatu zituzten atzo norgehiagokak. Asegarceren taldean Artola alegiarrak Albisurekin batera Irribarria eta Rezustaren aurka jokatu zuten, hain justu, igandean jokatutako Zarauzko Torneoaren finalaren errepikapena. Artola eta Albisu berriro gailendu ziren, oraingoan 20-22 irabaziz.
Erasun zizurkildarrak buruz burukoa jokatu zuen eta Elordiren aurka 22-10 galdu zuen. Lau eta erdikoan Victor eta Ezkurdia aritu ziren lehian eta azken honek 22-10 irabazi zuen.