Enirio-Aralar

[GUTUNA] Aralar dolutan

Joxan Auzmendi 2018ko abu. 9a, 17:55

Datorren igandean, abuztuak 12, joan ahal izango da azkeneko aldiz Igaratzan urtero ospatzen den festa herrikoira Eniriotik doan bidexka erabiliz, bere ibilbidean pista bat eraikitzea baimendu duela iragarri baitu aste honetan bertan Gipuzkoako Aldundiak.

Pista berri honek antzina-antzinatik ezin konta ahala oinezkok Goierritik Igaratzara eta Aralarko San Migelera oinez joateko erabili duten bide eder hau suntsitzeaz gain, Lekunberri eta Ataun artean autoz ibiltzeko aukera zabalduko du Aralarko bihotzetik pasatuz. Eta gainera obra horrek haginak eta gorostiak bezalako espezie babestuak akabatuko ditu. Horrela eraikitzen du gure Aldundiak Gipuzkoako etorkizuna?

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!