Dideriksen eta Leth danimarkarrek irabazi dute proba, 42 putu bilduta. Zilarrezko domina Errusiarentzat izan da. Badykovak eta Klimovak osatutako bikoteak 38 puntu eskuratu ditu. Podiumeko hirugarren kaxoia Wild eta Pieters herbeheretarrentzat izan da, 34 puntu lortu ostean.
Iriartek (Bizkaia Durango - Euskadi Murias) eta Larrartek (Gipuzkoa Ogi Berri) -80ko puntuazioarekin amaitu dute, 15. lekuan. Bigarren erditik aurrera sailkatzeko asmoa bazuten ere, ez dute horrelakorik lortu, baina esperientzia honek asko ikasteko balio izan diela nabarmendu dute.
Madison modalitatea berria izan da eskualdeko bi txirrindularientzat. Larrartek atzo ATARIAri azaldu zionez, duela astebete aritu ziren estreinekoz proba honetan, eta oraindik akatsak zuzendu behar dituztela aitortu zuen.