KAE 2 ligako jardunaldia izan zen atzo eguerdian Erandion, eta Orioko gizonezkoen bigarren ontziak jokoan zegoen bandera irabazi zuen. Erlojupeko estropada izan zen, bi txandetan banatuta jokatu zena, eta horiak bigarrenean aritu ziren. Lau luze osatu ondoren, denborarik onena markatu zuten, 20:30,22. Bigarren, Donostiarra sailkatu zen, 32 segundora, eta Camargo, berriz, hirugarren, 33 segundora.
Arratsaldean, jarraipena izan zuen festak, harrera egin baitzieten herrian, eta traineruko kideak udaletxeko balkoira irten ziren, bandera astindu eta bertaratu ziren herritarrei eskaintzera.