Kanporaketak iragan igandean jokatu zituzten Aiako Aristerrazu baserriko belardietan. 11 segalari lehiatu ziren bi multzotan banatuta, eta horietatik lau izan ziren eskualdekoak: Andoni Goikoetxea lehen multzoan lehiatu zen. Julen Gabirondo izan zen belar kilo gehien ebaki zuena multzo horretan, eta bere atzetik, bost kilo gehiago ebakita gazteluarra sailkatu zen.
Bigarren multzoan lehiatu ziren Jokin Etxeberria amasarra, Jexux Mari Ormaetxea Urki orendaindarra eta Mikel Lizartza tolosarra. Amasarra izan zen garaile eta bigarren geratu zen Igor Esnaola. Urki-k oso gutxigatik ez zuen lortu finalerako txartela.
Euskal Herriko Sega Txapelketako finala jokatuko da hurrengo igandean, abuztuaren 5ean, Asteasun. Lau segalari ariko dira nor baino nor, eta horietatik, erdiak Tolosaldekoak, Andoni Goikoetxea gazteluarra eta Jokin Etxeberria amasarra.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!