Ehunmilak eta G2Hk probak bertan behera uztea erabaki zuen atzo gauean antolakuntzak, eguraldia zeharo okertu zelako Goierriko Hitzari Mikel Valdivieso antolatzaileak gaur goizean adierazi dionez, “Aralarrera igotzea desastrea izango litzateke”. Erabakia hartzea "erraza izan ez den arren", antolakuntzaren lehentasuna, "guztien segurtasuna bermatzea izan da", Valdiviesoren esanetan.
Antolakuntzako kideak, boluntarioak eta Gurutze Gorria lanean aritu dira gau osoan zehar, korrikalari guztien segurtasuna bermatzeko. 3.000 bat pertsona (boluntarioak eta lasterkariak) ebakuatu behar izan dituzte, eta Beasaingo kiroldegian pasa dute gaua. Une honetan, Anzizar kiroldegian normaltasuna da nagusi. Pixkana, bertan gaua pasatu dutenak erretiratzen joan baitira.