Garaipen bat gehiago Iñaki Olano Orbegozorentzat. Oraingoan Berriozartik Ezkaba mendira igotzen den Elimina Trail mendi lasterketa irabazi du altzotarrak.
Aise, gainera. Izan ere, bigarren sailkatuari bi minutu baino gehiagoko aldea atera dio helmugan. Olanok 30:52ko denboran egin ditu ibilbideko 7 kilometroak. Bigarren Zizur Txikiko Jon Ridruejo izan da, 32:54ko denbora eginda. Hirugarren postua ere eskualdeko korrikalari batek eskuratu du: Mikel Senperena Irastortza abaltzisketarrak. 33:22koa izan da haren denbora.
Argazkia: Unai Perurena (Facebook: Elimina Trail)