Giro lasaia zen nagusi Alkizan, lehen korrikalariak igarotzen hasi eta ikusleak oihuka hasi diren arte. Korrikalariek asko eskertu dituzte animo horiek. Oier Ariznabarreta garailea 10:30ak aldera pasa da bertatik.
Irteera ikusi eta askok erdibideko puntu gisa aukeratu dute Alkiza. Giro ederra jarri dute plaza ingurura gerturatu direnek. Bertan zen, gainera, anoa guneetako bat.
Haurrek, pasatzen zen korrikalari bakoitzari bostekoa emateko eskua luzatzen zuten. Baziren aita pasatzera itxaroten ari ziren beste bi mutiko ere, eta pozez txoratzen hartu dute Alkizara iritsi denean.
Korrikalariak, berriz, jendeari galdezka ziren, ea aurrekoek zenbateko tartea ateratzen zieten-edo.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!